Биыл «Бір ел – бір кітап» акциясы аясында қазақ прозасына өзгеше өрнек, ғажайып сыр-сипат әкелген көрнекті қазақ жазушысы, балалар әдебиетінің классигі, 2024 жылы 100 жылдығы ЮНЕСКО көлемінде аталып өтілетін Бердібек Соқпақбаевтың шығармаларын оқуға ұсынылды. Осыған орай 13желтоқсан күні ОҚМА кітапханасының коворкинг орталығында медицина колледжінің «Жалпы білім беретін пәндер» кафедрасымен бірлесе отырып, «Көркем сөздің шебері» тақырыбында іс-шара болып өтті. Тақырыпқа байланысты көрме ұйымдастырылды. Студенттердің назарына жазушының шығармашылығы таныстырылып, бейнеролик көрсетілді. Топ білім алушылары Б.Соқпақбаевтың «Жол» атты әңгімесін талқылады. Ой пікір алмасып, сұрақтар қойып, жаңа кітаптармен танысты. Акцияның мақсаты – ұлттық әдебиетіміздегі ең үздік туындыларды оқу және насихаттау, оқу ісін ілгерілету, рухани мұрамызды сақтау, сондай-ақ жастарға рухани-адамгершілік және патриоттық тәрбие беруге бағытталған.
